Tr. Thida Aung ရဲ့ Living Being Mindful (LBM) တက်ပြီးနောက် သဇင်အရင်ကထက် mindset ကို ပိုပြီးနားလည်သွားတယ်။ တခြားသူတွေကို အရင်လို အပြစ်တင်စိတ်မရှိတော့ဘူး။ ကိုယ့်ရဲ့ဖြစ်တည်မှုကို အားမရတဲ့စိတ်တွေရှိခဲ့ဖူးတာတွေ၊ open mind လုပ်နည်းတွေ ဒီသင်တန်းကနေ အများကြီးရရှိခဲ့ပါတယ်။ အရမ်းကိုကောင်းတဲ့သင်တန်းပါ။ Thank you so much Tr. Thida Aung.

LBM class ကနေ ရတဲ့အသိတရားတွေကအများကြီးမို့ ဘယ်ကနေစပြီး စာစီရမလဲတောင် မသိလောက်အောင်ပါပဲရှင့်။

(၁) Mindfulness ကို လက်တွေ့ကျင့်လို့ရတဲ့ approach နဲ့သွားတယ်။ စစချင်းတော့ စိတ်ထဲကအတွေးတွေ၊ ခံစားချက်တွေကို သိလာလို့ ခက်တာမျိုးဖြစ်ပေမယ့် တီချယ်ပြောသလို အတွေးခံစားချက်မပါတဲ့စိတ်က သတိပါပဲဆိုသလို သတိနဲ့နေနည်းကို လက်တွေ့ကျကျသိလာပါတယ်။ အတွင်းထဲကလာတဲ့ပျော်ရွှင်မှုကို စခံစားလာရတယ်။ အခက်အခဲတွေကြုံရတဲ့နေ့တွေမှာလည်း ပိုပြီးတည်ငြိမ်စွာနဲ့ ကိုယ့်ဖြစ်တည်မှုကို ကိုယ်ဖန်တီးခွင့်ရှိလာတယ်။

(၂) ကိုယ့်ရဲ့စစ်မှန်တဲ့ကိုယ်နဲ့ ပြန်တွေ့လာရပါတယ်။ ကိုယ့်ဟာကိုယ် ငါမလုပ်နိုင်ဘူးထင်တဲ့ဘောင်ကနေ ထွက်လာနိုင်တဲ့ moment တွေ ကြုံလာရပါတယ်။

(၃) ကိုယ့်အတွင်းသံတွေကနေ  ကိုယ့်ကိုအကျိုးရှိမယ့်ဉာဏ်ပညာကိုရွေးချယ်ပြီး လုပ်ဆောင်တတ်လာပါတယ်။

ဘဝကို အမြင်အသစ်၊ စိတ်အသစ်၊ လူအသစ်ဖြစ်သွားစေတဲ့အတန်းမို့ လူတိုင်း တက်ကိုတက်သင့်တဲ့အတန်း ဖြစ်ပါတယ်ရှင့်။

အချစ်ခံလူသားဘဝကနေ... ကိုယ့်ကိုမချစ်တော့ဘူး။ မင်းဟာ ငါ့အတွက်အနှောင့်အယှက်တစ်ခုလို့... သိမြင်ခံစားလာအောင် ပြုလုပ်ခံလိုက်ရတဲ့အခိုက်အတန့်တစ်ခုမှာ ကျွန်မဟာ ကျွန်မကိုယ်တိုင်ရော၊ အရာရာကိုရော မုန်းတီးခဲ့တယ်။ နောက်ဆုံးထွက်ပေါက်ဟာ သေဆုံးခြင်းလို့ပဲသတ်မှတ်ပြီး သေဖို့ကိုပဲအမျိုးမျိုးကြိုးစားခဲ့တယ်။ ခက်တာကလည်း သေချင်တိုင်းလည်း သေရမယ့်နေ့မရောက်သေးတော့ မသေဘူးပေါ့။ အဲ့အချိန်ကိုပဲ ကျေးဇူးတင်ပါတယ်။ ကျွန်မသာသေသွားခဲ့ရင် တီချယ်နဲ့တွေ့ခဲ့မှာ၊ တီချယ်ဆီကနေ သင်တန်းတွေတက်ခွင့်ရခဲ့မှာ မဟုတ်တော့ပါဘူး။

တီချယ်ဆီကနေ LBM သင်တန်းတက်ပြီးတဲ့အချိန်မှာ ကျွန်မဘဝရဲ့အလင်းရောင်တွေ၊ ပျော်ရွှင်မှုတွေ၊ မေ့ထားတာကြာပြီဖြစ်တဲ့ လုပ်ချင်တဲ့ရည်မှန်းချက်တွေကို တဖြေးဖြေးပြန်ရှာတွေ့ခဲ့ပါတယ်။ ကိုယ့်ကိုယ်ကိုယ်လည်းပြန်ချစ်လာသလို သူ့ကိုလည်း အရင်လိုပြန်မချစ်နိုင်တော့ပေမယ့် ကောင်းကောင်းနားလည်ခွင့်လွှတ်ပေးနိုင်ခဲ့ပါတယ်။ စွန့်လွတ်စရာမလိုဘဲနဲ့ စိတ်လက်ပေါ့ပါးစွာ အတူတူနေထိုင်လာနိုင်ခဲ့ပါတယ်။ အရာအားလုံးကို အရင်အခြေအနေထက်ပိုကောင်းအောင် ဘယ်လိုဖြေရှင်းရမလဲဆိုတာကိုလည်း ကောင်းကောင်းသိခဲ့ပါတယ်။ ဖြစ်ပျက်ခဲ့တဲ့အရာတွေကို ကျေးဇူးတင်တယ်။ နို့မို့ဆို တီချယ်နဲ့ကျွန်မ ဘယ်လိုမှတွေ့ဖြစ်မှာမဟုတ်ဘူး။ တီချယ်နဲ့တွေ့ရတာ တကယ်ကိုပဲ ပျော်ရွှင်ကြည်နူးကျေးဇူးတင်ရပါတယ်။

အတွေးလွန်တတ်တဲ့လူဆိုတော့ စိတ်အရမ်းပင်ပန်းရတယ်။ သူများတွေကတော့ မတွေးနဲ့ ပြောလည်း မတွေးအောင်ဘယ်လိုလုပ်ရမလဲမသိခဲ့ဘူး။ ပြောတော့သာလွယ်တာ... ထိန်းရအရမ်းခက်တာလေ။ ခု Living Being Mindful course လေးမှာမှ inner voice အကြောင်းသိပြီး အတွေးတွေဖြတ်တတ်သွားတယ်။ ကိုယ့်ကိုယ်ကိုယ် authentic ဖြစ်ဖြစ်နဲ့ ဘဝကို ပေါ့ပါးအောင်နေတတ်သွားတယ်။ မိမိရဲ့ကောင်းခြင်းကိုသာမက အဆိုးတွေကိုပါလက်ခံနိုင်လာတယ်။ အဲ့ဒီအတွက် တီချယ်နဲ့ မယမုံကို ကျေးဇူးအများကြီးတင်ပါတယ်။ ဒီသင်တန်းက လူလိမ္မာသင်တန်းမဟုတ်ဘူးလို့ မယမုံပြောတာတော့ သဘောတော်တော်ကျမိတယ်။

တီချယ့်ဆီမှာ LBM course တက်ပြီး ကိုယ့်ရဲ့ရှုပ်ထွေးနေတဲ့စိတ်တွေအကြောင်း ပိုသိလာတယ်။ Inner voice တွေ၊ autopilot တွေကို အရင်ကသတိမပြုမိပေမဲ့ အခုစပြီး သတိပြုလာတဲ့အချိန်ကစပြီး အဆင်ပြေလာပါတယ်။ Mindfulness အကြောင်းနားလည်ချင်ရင် တကယ်တက်သင့်တဲ့သင်တန်းလေးပါ။ တီချယ်နဲ့မယမုံကိုလည်း ကျေးဇူးအများကြီးတင်ပါတယ်နော်။ 💕