၄ ရက်တာသင်တန်းက ကျမအတွက် တကယ်ကိုမှအကျိုးရှိခဲ့ပါတယ်။ အဲ့ဒီထဲကမှ ကိုယ်လုပ်ရမှာကို ကိုယ့်ကိုယ်ကိုယ်ညှာပြီး သူများကိုအပြစ်တင်နေမိတာမျိုးတွေ၊ နောက်ပြီး ကိုယ့်ကိုယ်ကိုယ် နေ့တိုင်းငြူစူနေမိတာတွေ၊ ချစ်ဖို့မေ့နေတာတွေ၊ အနာဂတ်ကိုမျှော်ပြီး ခြေကုန်လက်ပန်းကျနေတာမျိုးတွေက ကျမမျက်လုံးထဲ မြူတွေဆိုင်းနေခဲ့တာပါ။ သေချာတာပေါ့... ဒီအတန်းတက်လိုက်ရုံနဲ့ အကုန်လုပ်နိုင်သွားမှာတော့မဟုတ်ဘူးဆိုတာနားလည်ပေမယ့် ကျမကျင့်ယူမှာပါ၊ သတိချပ်မှာပါ၊ ဘဝလက်ကျန်အချိန်တွေကို တန်ဖိုးရှိစွာအသုံးပြုမှာပါ။ ဆရာမနှင့်တကွ မယမုံ၊ Admin တွေကိုလည်း ကျေးဇူးတင်ပါတယ်နော်။ ပြန်တွေ့ကြပါမယ်။

ကိုယ့်ကိုယ်ကိုယ်ပိုသိဖို့ အားထုတ်ရတော့မယ်၊ မနက်ခင်းနိုးထမှုတွေက မပျော်ရွှင်ဘဲ လေးလံနေတာတွေသိလာချိန် ကိုယ့် inner journey အတွက် mentor တစ်ယောက်ရှာနေမိတယ်။ ညီမလေးသူဇာလွင် ကျေးဇူးနဲ့ တီချယ့် video ကို ကြည့်ဖြစ်ပြီး ကိုယ်ရှာနေတာနဲ့ ကိုယ်သွားချင်တဲ့လမ်းကို ညွှန်ပြပေးနိုင်မယ်ဆိုတာ လုံးဝယုံကြည်ခဲ့တယ်။ ကိုယ့်အဖြစ်က အနာရှိမှန်းသိပြီး ဘယ်ဆေးသောက်ရမယ်၊ ဘယ်လိုလေးပြုပြင်ပေးရမယ်ဆိုတာ မသိသူလိုပါပဲ။

DYR သင်တန်းမှာ ကျွန်မတို့ လုံးပြီးအကြမ်းဖျင်းပဲသိထားတဲ့အကြောင်းအရာတွေကို အသေးစိတ်ကွဲပြားစွာသိလာရပါတယ်။ သင်တန်းတက်နေစဉ် ၂ ရက်မြောက်နေ့မှာ ကြုံတွေ့ရတဲ့ အခက်အခဲတစ်ခုမှာ ကိုယ့်ဘက်ကပြုပြင်လုပ်ဆောင်ရမှာတွေကို possibility create လုပ်၊ လက်တွေ့အသုံးပြုခဲ့လို့ victim နေရာမှာ ဖြစ်ကြောမရှည်တော့ဘဲ စိတ်ချမ်းသာခဲ့ရပါတယ်။ သင်တန်းပြီး တစ်ပတ်အတွင်းမှာ အလိုမကျစိတ်လေးဖြစ်နေတာသိပြီး unconditional love နဲ့ လက်ခံပေးမှုကို တဒင်္ဂနားလည်လိုက်တာကလည်း ပြန်မရှင်းပြတတ်အောင်ပါပဲ။ နောက်တစ်ခုအကျိုးရှိလာတာက အရင်က အပြင်ကို အပြစ်တင်ဝေဖန်ရာကနေ အခု တစ်ခုခုဖြစ်ရင် ငါ့အတွင်းထဲက ဘာတွေပြောလဲ၊ ဘာတွေဖြစ်သွားလဲ၊ ဘာတွေတုံ့ပြန်လဲ၊ နောက်ကွယ်ကအကြောင်းရင်းကဘာလဲ စသဖြင့် မိမိကိုယ်မိမိ ပြန်ချိတ်ဆက်နေပြီး ကိုယ့်ရဲ့ power တွေကို ပြန်လည်ရယူနေတာပါပဲ။

သင်တန်းကပေးတဲ့ Tools & Techniques လေးတွေက ဘဝတစ်သက်စာအသုံးချပညာတွေမို့  အလွန်တရာမှတန်ဖိုးရှိပြီး လူတိုင်းအတွက်လိုအပ်ပါတယ်။ သင်တန်းတစ်လျှောက်လုံးမှာလည်း တီချယ်နဲ့မယမုံတို့ရဲ့ အားလုံးအပေါ် နွေးထွေးမှု၊ ဂရုစိုက်ပေးမှု၊ warmly welcome အပြည့်နဲ့ ကူညီဖို့အသင့်ရှိနေမှုတွေကြောင့် စိတ်သက်တောင့်သက်သာဖြစ်ရပါတယ်။ အားလုံးကိုကျေးဇူးတင်ပါတယ်။

အရမ်းစိတ်ရှုပ်ပြီး ကိုယ့်နားကသူတွေကို အပြစ်ပဲမြင်မိခဲ့တယ်။ ပေါက်ကွဲထွက်ပြီး ရန်ပတ်ရှာမိ၊ အကြီးအကျယ်ငိုမိ၊ ပြီးမှနောင်တတွေရမိ... Psychologist တွေနဲ့လည်း ပြခဲ့တယ်။ ရင်ဖွင့်ပြောပြလည်း ခဏပဲသက်သာပြီး ဒီလိုပဲချာလည်ပြန်လိုက်နေတယ်။

တီချယ့် YouTube video ကြည့်ပြီး တော်တော်လေးသဘောကျလို့ တီချယ်နဲ့ coaching တစ်ချိန်ယူခဲ့တယ်။ အဲ့မှာအရမ်းကိုအဆင်ပြေသွားတယ်။ ဘာကြောင့်ကိုယ်ဒီလိုဖြစ်နေရတာလဲဆိုတာ မြင်လာတယ်။ DYR သင်တန်းလေးကို တက်ဖြစ်ပါတယ်။ အဲ့မှာပိုပြီးအဆင်ပြေလာတယ်။ ဘာတွေကြောင့်ဖြစ်နေရလဲ။ ဘာတွေပြင်ရမလဲပေါ့။ ဒါပေမယ့် သင်တန်းပြီးရက်ပိုင်းမှာ အတွေးတွေပြန်ရှုပ်ပြန်တယ်။ အဲ့မှာသိလာရတာက ကိုယ်တိုင် practice လုပ်ဖို့ အရေးကြီးတာလေးကိုပါ။

သင်တန်းတက်ပြီးရင် အားသာချက်က breakdown ဖြစ်ရင် တီချယ်တို့နဲ့ keep in touch အမြဲပြန်ပြောနိုင်တာလေးပါ။ စိတ်ရှုပ်သွားတိုင်း တီချယ်တို့ရဲ့ guidance ယူပြီး တစ်ခုချင်းပြန်ဖြေရှင်းပါတယ်။ Guidance ဆိုပေမယ့် ဘယ်ဟာလုပ်ပါဆိုပြီးပြောတာမျိုးမဟုတ်ပါဘူး။ ကိုယ်ပြောနေတာကိုနားထောင်ပြီး ကိုယ့်အတွင်းစိတ်ကို ပြန်နားထောင်မိ၊ နားလည်မိပြီး ကိုယ့်စိတ်ကို ကိုယ့်ဟာကိုယ် deal လုပ်နိုင်အောင်ပြောပြပေးတာမျိုးပါ။ ညွှန်ပေးတဲ့အမျိုးကိုကော တီချယ့်ကိုကော အရမ်းကျေးဇူးတင်လျက်ပါရှင်။ 😊

DYR သင်တန်းလေးကအရမ်းတက်သင့်တယ်လို့ သင်တန်းပြီးချိန်မှာပိုသိရပါတယ်။ တစ်ခါတလေမှာ မိမိမှာရှိတယ်မထင်မှတ်ထား၊ မတွေးထားတဲ့စိတ်အခြေအနေလေးတွေကြောင့် မိသားစု၊ မိတ်ဆွေ၊ သူငယ်ချင်း၊ ချစ်သူ၊ မိမိဝန်ထမ်းအားလုံးအပေါ်မှာ ခင်မင်မှုလေးတွေပျက်စီးခဲ့ရပါတယ်။ တစ်ခါတလေမှာ မိမိဆို မိတ်ဆွေတွေနဲ့ပတ်သက်ရင် ကိုယ်သာအမြဲမှန်စိတ်ရှိခဲ့လို့ မိတ်ဆွေစစ်တွေနဲ့လွဲချော်ခဲ့ရပါတယ်။

အခု DYR သင်တန်းလေးတက်ပြီးတစ်ရက်မှာစတင်တွေ့ရှိပြီး သင်တန်းလေးရက်မြောက်နေ့မှာ အရမ်းအကျိုးရှိတဲ့ခံစားချက်ကိုရရှိခဲ့ပါတယ်။ မိသားစုဆီကနွေးထွေးမှုကိုရရှိလိုက်တာ တန်ဖိုးမဖြတ်နိုင်တဲ့ပျော်ရွှင်မှုပါ။ တီချယ်ကိုလည်းကျေးဇူးအထူးတင်ပါတယ်။ တီချယ်အပေါ်ယုံကြည်ပြီး သင်တန်းတက်ခဲ့လို့ အချိန် (၈) နာရီက အရမ်းတန်ဖိုးရှိခဲ့ပါတယ်။ ကျေးဇူးအထူးပါ တီချယ်။

ပထမဆုံးတီချယ်နဲ့စတွေ့ချိန်ထဲက တီချယ်ရဲ့မေတ္တာဓာတ်လေးခံစားခဲ့ရတာ။ 🥰🥰

ချစ်သူရည်းစား relationship ပဲဖြစ်ဖြစ်.. မိသားစုချင်း relationship ပဲဖြစ်ဖြစ် လူသားဖြစ်နေတဲ့အတွက် လူလူချင်းဆက်ဆံရတဲ့ relationship တွေတိုင်းမှာ အရမ်းလက်တွေ့ကျပြီး အထောက်အကူဖြစ်ခဲ့ရတယ်။ အရမ်းတက်သင့်တဲ့သင်တန်းလေးပါ။ မှားလို့မှားနေမှန်းတောင်မသိတဲ့အပြုအမူ၊ အနေအထားလေးတွေကနေ (အလုံးစုံကောင်းမွန်အောင် မပြင်ဆင်နိုင်သေးပေမဲ့) အလင်းလေးတစ်ခုတွေ့လိုက်ရသလိုပါပဲ။ ကောင်းမွန်ပျော်ရွှင်တဲ့ဘဝလေးဖြစ်အောင် မိမိကိုယ်ကိုပြုပြင်ချင်တဲ့သူတိုင်းတက်သင့်ပါတယ်။