ဆရာမနဲ့ စကားပြောရတာ ကိုယ့်အမတစ်ယောက်နဲ့စကားပြောရသလိုပဲ။ ကိုယ့်ခံစားချက်တွေရင်ဖွင့်၊ ပြဿနာတွေပြောပြ။ ပြဿနာတစ်ခုချင်းစီတိုင်းမှာ ကိုယ့်ရဲ့ဖြစ်တည်မှုနဲ့ခံယူချက်အပေါ်မှာမူတည်နေတာကို သိရတယ်။ ငယ်ငယ်က ကလေးဘဝတုန်းကခံစားရတာတွေ ပြောဖြစ်တယ်။ ကလေးဘဝက အရေးကြီးကြောင်းသိခဲ့ရတယ်။ အလုပ်အကိုင်အကြောင်း၊ ရည်မှန်းချက်ပန်းတိုင်အကြောင်း၊ အမေနဲ့ဆက်ဆံရေး၊ Relationship မှာ ဘယ်လိုကောင်းအောင်လုပ်ရမလဲဆိုတာတွေ တော်တော်လေးအလင်းရသွားတယ်။ တခြားသူတွေက ကိုယ့်ကိုပုံမဖော်ခင် ကိုယ်ကဘယ်လိုပုံစံမျိုးဆိုတာသိအောင်လုပ်ရမယ်။ ကိုယ်ကဘယ်လိုဘဝကိုလိုချင်တာလဲ၊ ဘယ်လိုလူမျိုးဖြစ်ချင်တာလဲ... အဲ့လိုလူတွေကဘာတွေလုပ်လဲ၊ ကိုယ်ကရောဘာတွေလုပ်နေပြီလဲဆိုတဲ့ အတွေးလေးတွေရသွားတယ်။ အဓိကကတော့ အမေနဲ့စကားကောင်းကောင်းပြန်ပြောရအုံးမယ်။ ဆရာမကိုကျေးဇူးအများကြီးတင်ပါတယ်။ ဘဝကိုတစ်ဆစ်ချိုးပြောင်းမယ့်အတွေးလေးတွေရစေမယ်လို့ အာမခံပါတယ်။

ကျေးဇူးအများကြီးတင်ပါတယ် ဆရာမခင်ဗျ။ ကိုယ့်အကျိုးကိုလိုလားတဲ့ အမျိုးအရင်းအချာတစ်ယောက်နဲ့ တွေ့ရသလိုပါပဲ။ စိတ်ရှည်ရှည်နဲ့နားထောင်ပြီး လမ်းပြပေးတဲ့အတွက် ခွန်အားတွေရပါတယ်။ ဆရာမကိုအရမ်းကျေးဇူးတယ်ဗျ။

ကျေးဇူးပါ မမ။ စိတ်ရှည်ရှည်ထားပြီးနားထောင်ပေးတယ်။ အကြံပေးတယ်။ ရှေ့လျှောက်ဆက်ပြီး order ပေးပါ မမရေ။

အမနဲ့ပြောနေတဲ့အချိန်ကစပြီး တန်ဖိုးရှိတဲ့စကားတွေအများကြီးသင်ပြပေးတတ်သလို စိတ်ခွန်အားတွေရရှိခဲ့တယ်။ ဘဝမှာယုံကြည်အားကိုးရတဲ့ အမလို သူငယ်ချင်းလို ရင်ဖွင့်ပြလို့ရခဲ့ဖူးပြီ။ အဲဒါအမပါပဲ။ အမရဲ့အချိန်တွေမျှဝေပေးပြီး စိတ်ခွန်အားပေးတဲ့ အမရဲ့စေတနာမေတ္တာတွေ အသိမှတ်ပြုတဲ့အနေနဲ့ မနက်ဖြန်မှာ ဒီနေ့ထက် ပိုတော်သူ၊ ပိုကောင်းသူဖြစ်အောင် ကြိုးစားပြပါ့မယ်အမ။ Thank u so much.

အဓိကကတော့ ဘာလုပ်ရမလဲဆိုတာသိသွားတယ်။ အရင်တုန်းက အခြေအနေနှစ်ခုကြားထဲမှာရပ်နေမိတာ။ အမှန်အတိုင်းပြောရင် ဘယ်ဘက်မှမသွားရဲလို့လေ။ မမနဲ့စကားပြောပြီးနောက်ပိုင်းမှာတော့ ပိုရှင်းလင်းသွားတယ်။ ပိုသတ္တိရှိသွားတယ်။ ပိုစိတ်လုံခြုံသွားတယ်။ ကိုယ့်အတွက် ဘယ်ရွေးချယ်မှုကိုပဲလုပ်လုပ် ကြောက်စိတ်မရှိတော့ဘဲ ယုံကြည်မှုပိုတိုးလာတယ်။ ကိုယ်ဝေဝါးနေတဲ့ကိစ္စတွေကိုလည်း ရှင်းရှင်းလင်းလင်းဖြစ်အောင် လမ်းပြပေးခဲ့တယ်။ အချိန်ပေးပြီး အများကြီးဆွေးနွေးပေးခဲ့တဲ့အတွက် ကျေးဇူးအများကြီးတင်ပါတယ် မမ။