Stay in Touch
Thank you! Your subscription has been received!
Oops! Something went wrong while submitting the form
What our clients say
TESTIMONIALS
Business ကို Business တစ်ခုလို အကောင်အထည်ဖော်နိုင်ဖို့ level up လုပ်တိုင်း လိုက်နာကျင့်ကြံရမယ့် စိတ်နေသဘောထားကအစ Business အမြင်တစ်ခုကို ပြောင်းလဲပေးနိုင်လို့ Business Coaching Session ပြီးတာနဲ့ Business လုပ်ငန်းထဲက structure တွေကို ပြင်စရာရှိတာ ပြင်တယ်။ ဖြည့်စရာရှိတာ ဖြည့်တယ်။ ပြောင်းလဲစရာရှိတာတွေကို ရဲရဲကြီးလုပ်ဆောင်ခဲ့တာကြောင့် အတိုင်းအတာတစ်ခုအထိ အနာဂတ်ကို လမ်းမြင်ပုံဖော်နိုင်တာမို့ တီချယ်နဲ့ coaching ယူဖြစ်လို့ အရမ်းပဲ ကျေနပ်အားရပျော်ရွှင်ပါတယ်။ ဒီထက်မကလည်း ပိုမိုလုပ်ဆောင်နိုင်ဖို့ ဆက်လက်ပြီး ကြိုးစားနေပါတယ်။
Kyi Pyar Win
Managing Director
Royal Peace Interior Design & Build Co., Ltd.
Jan 5, 2024
Words about Thida
ဆရာမနဲ့ စကားပြောရတာ ကိုယ့်အမတစ်ယောက်နဲ့စကားပြောရသလိုပဲ။ ကိုယ့်ခံစားချက်တွေရင်ဖွင့်၊ ပြဿနာတွေပြောပြ။ ပြဿနာတစ်ခုချင်းစီတိုင်းမှာ ကိုယ့်ရဲ့ဖြစ်တည်မှုနဲ့ခံယူချက်အပေါ်မှာမူတည်နေတာကို သိရတယ်။ ငယ်ငယ်က ကလေးဘဝတုန်းကခံစားရတာတွေ ပြောဖြစ်တယ်။ ကလေးဘဝက အရေးကြီးကြောင်းသိခဲ့ရတယ်။ အလုပ်အကိုင်အကြောင်း၊ ရည်မှန်းချက်ပန်းတိုင်အကြောင်း၊ အမေနဲ့ဆက်ဆံရေး၊ Relationship မှာ ဘယ်လိုကောင်းအောင်လုပ်ရမလဲဆိုတာတွေ တော်တော်လေးအလင်းရသွားတယ်။ တခြားသူတွေက ကိုယ့်ကိုပုံမဖော်ခင် ကိုယ်ကဘယ်လိုပုံစံမျိုးဆိုတာသိအောင်လုပ်ရမယ်။ ကိုယ်ကဘယ်လိုဘဝကိုလိုချင်တာလဲ၊ ဘယ်လိုလူမျိုးဖြစ်ချင်တာလဲ... အဲ့လိုလူတွေကဘာတွေလုပ်လဲ၊ ကိုယ်ကရောဘာတွေလုပ်နေပြီလဲဆိုတဲ့ အတွေးလေးတွေရသွားတယ်။ အဓိကကတော့ အမေနဲ့စကားကောင်းကောင်းပြန်ပြောရအုံးမယ်။ ဆရာမကိုကျေးဇူးအများကြီးတင်ပါတယ်။ ဘဝကိုတစ်ဆစ်ချိုးပြောင်းမယ့်အတွေးလေးတွေရစေမယ်လို့ အာမခံပါတယ်။
Zwe Htet
Sep 30, 2020
ကျေးဇူးအများကြီးတင်ပါတယ် ဆရာမခင်ဗျ။ ကိုယ့်အကျိုးကိုလိုလားတဲ့ အမျိုးအရင်းအချာတစ်ယောက်နဲ့ တွေ့ရသလိုပါပဲ။ စိတ်ရှည်ရှည်နဲ့နားထောင်ပြီး လမ်းပြပေးတဲ့အတွက် ခွန်အားတွေရပါတယ်။ ဆရာမကိုအရမ်းကျေးဇူးတယ်ဗျ။
Thar Oo
Sep 23, 2020
ကျေးဇူးပါ မမ။ စိတ်ရှည်ရှည်ထားပြီးနားထောင်ပေးတယ်။ အကြံပေးတယ်။ ရှေ့လျှောက်ဆက်ပြီး order ပေးပါ မမရေ။
Pyae Pyae
Sep 13, 2020
အမနဲ့ပြောနေတဲ့အချိန်ကစပြီး တန်ဖိုးရှိတဲ့စကားတွေအများကြီးသင်ပြပေးတတ်သလို စိတ်ခွန်အားတွေရရှိခဲ့တယ်။ ဘဝမှာယုံကြည်အားကိုးရတဲ့ အမလို သူငယ်ချင်းလို ရင်ဖွင့်ပြလို့ရခဲ့ဖူးပြီ။ အဲဒါအမပါပဲ။ အမရဲ့အချိန်တွေမျှဝေပေးပြီး စိတ်ခွန်အားပေးတဲ့ အမရဲ့စေတနာမေတ္တာတွေ အသိမှတ်ပြုတဲ့အနေနဲ့ မနက်ဖြန်မှာ ဒီနေ့ထက် ပိုတော်သူ၊ ပိုကောင်းသူဖြစ်အောင် ကြိုးစားပြပါ့မယ်အမ။ Thank u so much.
Nilar Win
Sep 10, 2020
အဓိကကတော့ ဘာလုပ်ရမလဲဆိုတာသိသွားတယ်။ အရင်တုန်းက အခြေအနေနှစ်ခုကြားထဲမှာရပ်နေမိတာ။ အမှန်အတိုင်းပြောရင် ဘယ်ဘက်မှမသွားရဲလို့လေ။ မမနဲ့စကားပြောပြီးနောက်ပိုင်းမှာတော့ ပိုရှင်းလင်းသွားတယ်။ ပိုသတ္တိရှိသွားတယ်။ ပိုစိတ်လုံခြုံသွားတယ်။ ကိုယ့်အတွက် ဘယ်ရွေးချယ်မှုကိုပဲလုပ်လုပ် ကြောက်စိတ်မရှိတော့ဘဲ ယုံကြည်မှုပိုတိုးလာတယ်။ ကိုယ်ဝေဝါးနေတဲ့ကိစ္စတွေကိုလည်း ရှင်းရှင်းလင်းလင်းဖြစ်အောင် လမ်းပြပေးခဲ့တယ်။ အချိန်ပေးပြီး အများကြီးဆွေးနွေးပေးခဲ့တဲ့အတွက် ကျေးဇူးအများကြီးတင်ပါတယ် မမ။
Murie Murie
Jul 16, 2020
Words about thazin
တီချယ်သဇင်အောင်နဲ့ parenting coaching တစ်ချိန်ယူခဲ့ပါတယ်။ အရမ်းစိတ်ရှည်ပါတယ်။ သားနဲ့သမီးအပေါ် ကိုယ့်ရဲ့လိုအပ်နေမှုလေးတွေကို ကိုယ်မမြင်ရတဲ့ point of view ကနေ ဆွေးနွေးပေးခဲ့ပါတယ်။ အရမ်းအကျိုးရှိခဲ့ပါတယ်။ ကျေးဇူးတင်ပါတယ်ရှင့်။
Dr May Thu Htun
Dec 1, 2022
သားနှစ်ယောက်အတွက်စိတ်ပူပန်ပြီး စိတ်ဖိစီးမှုတွေရှိနေခဲ့လို့ ဆရာမနဲ့ဆွေးနွေးတိုင်ပင်ခွင့်ရခဲ့တာ ကျေးဇူးအများကြီးတင်ပါတယ်။ သားတို့ရဲ့မှားယွင်းမှုလေးတွေကို ပြောဆိုဆုံးမရမယ့်နည်းလမ်းကောင်းများကို အကြံဉာဏ်ပေးခဲ့ပြီး သားတွေရဲ့စိတ်ကိုပိုမိုနားလည်မှုရှိအောင်ကြိုးစားဖို့ သိမြင်လာရပါတယ်။ မိခင်တစ်ယောက်ရဲ့အတ္တနဲ့ ပြောင်းလဲရမယ့်စိတ်အနေအထားတွေကိုလည်း သေချာမြင်မိအောင် နည်းလမ်းတွေပြောပြပေးခဲ့လို့ ကိုယ့်စိတ်ကိုလည်းထိန်းနိုင်အောင်ပြုပြင်ကြိုးစားဖို့ ခွန်အားတွေဖြစ်စေခဲ့ပါတယ်။
Parenting Coach တစ်ယောက်အနေဖြင့် နည်းလမ်းကောင်းများလမ်းညွှန်ပေးပြီး မိခင်တွေအတွက် နွေးထွေးမှုတွေပေးခဲ့တဲ့ဆရာမလေး ဒီထက်မကအောင်မြင်မှုတွေရရှိနိုင်ပါစေ။
Thin Nwe Htwe
Nov 21, 2022
သားသားနဲ့ပတ်သက်ပြီး စိတ်ထဲမရှင်းမလင်းဖြစ်တာတွေ၊ ကိုယ်မမြင်တဲ့ရှုထောင့်တွေ၊ သတိမထားမိတာလေးတွေကို ထောက်ပြပေးတာရယ်... ကလေးလေးအပေါ်မှာ ကိုယ်ထားရမယ့်စိတ်သဘောထား၊ သတိပြုရမယ့်အမူအကျင့်လေးတွေကအစ ထောက်ပြပေးတာရယ်... ကျေးဇူးတင်ရပါတယ်ရှင့်။ 🥰
စိတ်ထဲပူပင်နေတာတွေလည်း အများကြီးလျော့သွားပြီး သားသားကိုလိုအပ်တာလေးတွေဖြည့်ဆည်းပေးနိုင်အောင် အကြံပေးတယ်။ ကလေးနဲ့ပတ်သက်ပြီး အများကြီးပိုနားလည်လာရလို့ ကျေးဇူးတင်ပါတယ်ရှင့်။ လူလောကကိုအကျိုးပြုဖို့ အကြံဉာဏ်ကောင်းတွေပေးတဲ့ မသဇင်လည်း ဒီထက်မကအောင်မြင်ပါစေရှင့်။
Aye Zarni Lwin
Nov 12, 2022
သင်း သိချင်တာလေးတွေကို အချိန်ပေးပြီး စိတ်ရှည်လက်ရှည်ရှင်းပြပြီး ဆွေးနွေးပေးလို့ကျေးဇူးတင်ပါတယ်ရှင့်။ တီချယ်နဲ့စကားပြောပြီးတော့ သင်းစိတ်ထဲ သမီးလေးနဲ့ပတ်သက်ပြီး သင်းစိတ်ပူနေတာတွေ တော်တော်လေး သက်သာသွားတယ်ရှင့်။ သမီးလေးအတွက်ပါမဟုတ်ဘူး... သင်းအတွက်ပါ ဗဟုသုတတွေရတာမို့ အရမ်းအဆင်ပြေပါတယ်ရှင့်။ မိဘနဲ့သားသမီးကြားမှာ ထားရှိရမယ့်စိတ်သဘောထားကို သေချာလေးပြောပြပေးလို့ ကျေးဇူးတင်ပါတယ်ရှင့်။ Parenting နဲ့ပတ်သက်ပြီး သေချာလေးဆွေးနွေးချင်တယ်ဆို teacher Thazin Aung (Parenting Coach) ကို အပြည့်အဝ recommend ပေးပါတယ်ရှင့်။
Thin Thin Wai
Nov 5, 2022
ပထမဦးဆုံး..Teacher ကို ကျေးဇူးအထူးတင်ပါတယ်လို့ ပြောချင်ပါတယ်ရှင်။ အချိန်ယူပြီး သေချာဆွေးနွေးပေးတဲ့အတွက်ရော.. ကျွန်မဘက်ကပြောပြရမယ့်အကြောင်းအရာလေးတွေကို စုံလင်အောင်သေသေချာချာမေးမြန်းပြီးမှ ကျွန်မလိုအပ်နေတဲ့အဖြေလမ်းကြောင်းကို ကိုယ်တိုင်ရှာတွေ့အောင် လမ်းပြပေးခဲ့လို့ပါ။ မိဘနဲ့သားသမီးကြား ထားသင့်တဲ့စိတ်နေသဘောထားလေးတွေကို သေချာပြောပြရုံမက ကျွန်မရဲ့ work-life balance ညီမျှအောင်ချိန်ဆတတ်ဖို့ကို နွေးထွေးစွာဆွေးနွေးအဖြေရှာပေးလို့ ချစ်ခင်လေးစားရပါတယ် Teacher ရှင့်။ မိသားစုတွင်း၊ သားသမီးနဲ့မိဘကြား handle လုပ်ရခက်နေတဲ့ မေမေ၊ ဖေဖေတို့ကို Teacherနဲ့ တိုင်ပင်ဆွေးနွေးအဖြေရှာကြည့်ဖို့ fully Recommend လုပ်ပါတယ်ရှင်။
တီချယ်လည်း ယခုထက်ပိုပြီး မိသားစုတွေကိုကူညီပေးနိုင်ပါစေရှင်။ စိတ်ချယုံကြည်နွေးထွေးစေတဲ့ Parenting Coach တစ်ယောက်ကို ရှာနေတယ်ဆိုရင်.. Teacher Thazin Aung နဲ့ တိုင်ပင်ဆွေးနွေးကြည့်ပါရှင်။
Hnin Wutyi
Nov 4, 2022
SHARE your EXPERIENCE
Sharing is a selfless innate ability of human beings.
Your sharing has been received! Thank you for your contribution.
Oops! Something went wrong while submitting the form.
Stay in Touch